IGIHE Kinyarwanda

{Umuhanzi w’Umunyarwanda Lil P yatangaje ko yatangiye ibitaramo yise KinyaEnglish Tour bizanyura mu mijyi myinshi y’u Bwongereza; ibi bikaba biva kuri gahunda n’intego yihaye yo kwiyerekana no kuzamura umuziki we ku yindi ntera.}

Ibi bitaramo KinyaEnglish tour yatangarije IGIHE.com ko ahanini bigamije kumenyekanisha album ye izaba iriho indirimbo nyinshi ziri mu Kinyarwanda. Yakomeje adutangariza ko n’ubwo atuye mu mahanga adatewe ikibazo no kuririmba mu Kinyarwanda kuko ari umuco we kandi akaba abyishimiye.

Yagize ati “hano mpafite abakunzi batavuga Ikinyarwanda, ariko i Rwanda ni iwacu kandi dufite umuco mwiza tugomba gusakaza ku isi hose, ntibagiwe ko hari n’Abanyarwanda benshi bumva umuziki wanjye”.

Mu gutangiza ibi bitaramo bwa mbere hari mu mujyi wa Glasgow muri Scotland aho yakoze igitaramo cyitabiriwe n’abantu benshi, harimo n’Abanyarwanda baba muri uyu mujyi.

Lil P yakomeje adutangariza ko mu rwego rwo kwereka abafana batuye mu bindi bice by’isi aho ageze, azajya akora amashusho (episode) buri gihe uko avuye mu gitaramo, agaragaza umujyi yanyuzemo ndetse n’uko igitaramo cyagenze muri rusange.

Reba Lil P i Glasgow muri Scotland:

Bimwe mu bindi bitaramo biteganyijwe mu mujyi wa Birmingham tariki 28/01 ndetse na London ku itariki 12/02.