Post
Sonia Rolland yashyizwe mu gitabo yambaye ubusa
{Ku gifuniko cy’igitabo cy’umufotozi kabuhariwe Véronique Vial cyitwa “Toutes Nues” hashyizweho ifoto y’Umunyarwandakazi Sonia Rolland Uwitonze wabaye Miss France 2000. Iki gitabo kizashyirwa ku mugaragaro tariki ya 27 Mutarama kugeza ku ya 5 Gashyantare 2012, muri Galerie W. i Paris mu Bufaransa.}
Muri icyo gitabo gikubiyemo amafoto 215 y’abakobwa b’abakinnyi b’amafilime yibanda ku gusetsa (comédiennes) bambaye ubusa, hagaragaramo amafoto ya Sonia Rolland nta kambaro na kamwe yiteye.
[Véronique Vial->http://www.veroniquevial.com/] wafashe mafoto yatangaje ko igitekerezo cyo gukora iki gitabo yagikuye ku bumenyi n’ubunararibonye agenda yungukira mu kazi ke ko gufotora, nk’uko urubuga Purepeople dukesha iyi nkuru rubivuga.
Yagize ati:”Kuva mu myaka ishize, nakomeje gufotora abakinnyi b’amafilime bambaye banisize (maquillées); kuko nkunze gukorana n’aba comédiennes cyane, nifuje guhuza n’ubumenyi ndetse n’uburambe byanjye mbasaba gufata amapositeri atandukanye. Buri wese yahisemo aho ashaka, uburyo ashaka kwifotozamo n’igisobanuro cye”.
Muri aya mafoto arimo aya Sonia Rolland, Véronique Vial yayagabanyijemo ibice bibiri; amanini 15 y’ingano ya 80×120 na 120×160 n’urutonde rw’amato 200 y’ingano ya (30×40).
Muri aba bakobwa 10 bari kumwe na Sonia Rolland harimo Jeanne Balibar, Elodie Bouchez, Arielle Dombasle, Zita Hanrot, Mathilda, May Helena Noguerra, Karole Rocher, Florence Thomassin, Alice Vial na Elsa Zylberstein.
Uretse iki gitabo ari kugaragaramo, biteganijwe ko kuwa 11 Mutarama Sonia Rolland azagaragara kuri Televiziyo ya France 3 muri filime documentaire yitwa “{L’Extravagant Destin de Geneviève de Fontenay}”.
Muri iyi filime uretse kwerekana bumwe mu buzima bubi bw’intambara (1993,…) avuga ko yakuriyemo, kunenga amadini adatabara abicwa n’inzara, Sonia azaba anavuga kandi ku rukundo rwe na Louis anashimira nyina n’uwitwa Genevieve avuga ko bamufatiye runini mu buzima.