IGIHE Kinyarwanda

{Mu marushanwa y’imikino inyuranye hagati ya Minisiteri zinyuranye n’ibigo byo mu Rwanda. Ikipe za Minisiteri y’Ingabo nizo yarangije amarushanwa zirusha izindi.}

Ku cyumweru izi kipe zose zashyikirizwa ibikombe n’imidari mu mupira w’amaguru, uw’intoki (volleyball na basketball), mu magusiganwa n’amaguru no koga.

Mu muhango wo gushyikiriza ibihembo amakipe n’abantu ku giti cyabo barushije abandi, Kalisa Edward, Umunyamabanga uhoraho muri Minisiteri y’Umuco na Siporo yavuze ko imikino ifasha abantu kugira ubuzima bwiza no gusabana. Ati: “Roho nziza mu mubiri mwiza”. Uyu muyobozi yakomeje asaba ko iyi mikino yarushaho kwitabirwa kubera n’akamaro siporo ifitiye ubuzima bwa muntu.

Uyu muyozi yashimiye kandi ikipe za Minisiteri y’ingabo zatahukanye intsinzi n’amashimwe avuga ati: “Ibi kandi banabikesha imyitwarire myiza ihora ibaranga”; asaba ko ubutaha n’andi makipe yakaza umurego mu kwitabira iyi mikino ihuza abakozi bo mu bigo bitandukanye na za Minisiteri.

Aya marushanwa yatangiye mu kwezi kwa Kamena uyu mwaka, ahuza amakipe 18, MINADEF irangiza ari iya mbere n’amanota ku buryo bukurikira:

Football: 30/42

Volleyball: 24/24

Basketball: 15/20

Abakozi ba MINADEF babaye aba mbere mu koga uwa mbere ni Maj. Simba Kinesha, mu gusiganwa metero 1500 ni Sgt. Ndikubwinana Jean Claude muri metero 400 ni Pte Mugisha John naho mu bakobwa basiganwa kuri metero 400 ni 2Lt Epiphanie Uwintije.

Twabamenyshako iyi mikino yari yaratangiye ku kwezi kwa Kamena Umwaka Ushize wa 2011.