IGIHE Kinyarwanda

{Amashyirahamwe y’abacuruzi mu karere ka Nyagatare akomeje kwinubira ibura ry’amashanyarazi rya hato na hato rikomeje kubangamira ubucuruzi bwabo.}

Nk’uko byatangajwe na The New Times dukesha iyi nkuru, muri iyi minsi umuriro w’amashanyarazi waburaga byibura inshuro eshatu ku munsi mu karere ka Nyagatare.

Umwe mu bafite inzu zo kwishimishirizamo yatangarije The New Times agahinda afite, agira ati: “Urabona ko umurimo wanjye usaba amasharazi. Mfite icyuma kimpa ingufu z’amashanyarazi (generator) imfasha mu gihe umuriro ugiye, ariko iri bura ry’ umuriro rya buri kanya ritwicira akazi. Rimwe na rimwe byangiza n’ imashini zacu”.

Munyarukiko Jeanukora akazi ko kogosha, yatangaje ko iyo umuriro ubuze aba agomba kumara umwanya munini yumvisha abakiriya be ko bagomba kwihangana bagategereza. Yagize ati: “Buri uko umuriro ugiye ndi kogosha abakiriya, ngomba kwiruka hirya no hino mbashakira ingofero zo guhisha imitwe.”

Kanamugire ukuriye EWSA muri Nyagatare, yavuze ko iki kibazo kiri guterwa n’imirimo yo gutanga amashanyarazi iri gukorwa hirya no hino muri aka karere. Yongeyeho ko baba bagomba kuzimya amashyarazi mu gihe bari gukora, kugira ngo birinde impanuka.

EWSA ifite gahunda yo gutanga umuriro w’amashanyarazi ku ngo zirenga 30 000 mu karere ka Nyagatare muri uyu mwaka.