IGIHE Kinyarwanda

{Ku mugoroba wo kuri uyu wa gatatu tariki 25 Mutarama, hateganyijwe umukino w’injyanamuntu wo kwishyura wa 1/4 mu gikombe cyitiriwe umwami muri Espagne hagati y’ikipe ya FC Barcelona yakira ku kibuga cyayo Camp Nou ikipe ya Real Madrid.}

Umukino ubanza wahuje aya makipe ku wa gatatu w’icyumweru gishize, warangiye FC Barcelona itsindiye Real Madrid ku kibuga cyayo Santiago Bernabeu ibitego 2 kuri 1.

Uyu mukino uzwi ku izina rya “El Clásico” uhuza aya makipe y’amakeba kuva tariki 13 Gicurasi 1902, uraba ku nshuro yawo ya 249 uratangira saa tanu z’ijoro ku isaha y’i Kigali usifurwe na Fernando Teixeira Vitienes‎.

FC Barcelona irakina nta Seydou Keita uri kumwe n’ikipe ya Mali muri CAN 2012; Ibrahim Afellay, Andreu Fontas na David Villa bafite imvune, ku ruhande rwa Real Madrid irakina nta Sami Khedira na Angel Di Maria kubera imvune.

{{Abakinnyi bashobora kwitabazwa ku mpande zombi}}

{{FC Barcelona:}} Pinto, Alves, Pique, Puyol, Abidal, Xavi, Busquets, Iniesta, Messi, Cesc, Sanchez

{{Real Madrid:}} Casillas, Arbeloa, Ramos, Varane, Marcelo, Diarra, Xabi Alonso, Coentrao, Higuain, Benzema, Ronaldo

{{Mu mashusho, uko byari byifashe mu mukino ubanza}}