{"id":19988,"date":"2012-01-10T16:39:04","date_gmt":"2012-01-10T16:39:04","guid":{"rendered":"https:\/\/next.igihe.com\/kinyarwanda\/ibisasu-byarashe-indege-ya-habyarimana-byaturutse-muri-camp-kanombe-trevidic\/"},"modified":"2012-01-11T10:05:22","modified_gmt":"2012-01-11T10:05:22","slug":"ibisasu-byarashe-indege-ya-habyarimana-byaturutse-muri-camp-kanombe-trevidic","status":"publish","type":"post","link":"https:\/\/next.igihe.com\/kinyarwanda\/ibisasu-byarashe-indege-ya-habyarimana-byaturutse-muri-camp-kanombe-trevidic\/","title":{"rendered":"Ibisasu byarashe indege ya Habyarimana byaturutse muri Camp Kanombe\u2013Tr\u00e9vidic"},"content":{"rendered":"

{Nk\u2019uko bitangazwa mu cyegeranyo cyakozwe n\u2019abacamanza Marc Tr\u00e9vidic na Nathalie Poux, ibisasu byarashe indege yarimo Perezida Juv\u00e9nal Habyarimana byaturutse mu kigo cya gisirikare cya Kanombe cyacungwaga n’abamurindaga.}<\/p>\n

Ikinyamakuru Le Nouvel Observateur cyatangaje kuri uyu wa Kabiri ko ibi byasohowe n\u2019abacamanza bashinzwe kurwanya iterabwoba Marc Tr\u00e9vidic na Nathalie Poux bari barashyizeho itsinda ry\u2019impuguke rigizwe n\u2019inzobere mu gupima imirongo, ibirari by\u2019amasasu (balistique), ibiturika n\u2019inkongi (explosifs et incendie), n\u2019inyurajwi (acoustique), kugira ngo bazakore isesengura ku cyerekezo cyaturutsemo ibisasu byo mu bwoko bwa missiles byarashwe iyo ndege, igikorwa gifatwa nk\u2019imbarutso ya Jenoside yakorewe Abatutsi.<\/p>\n

Iki kinyamakuru gitangaza ko muri iyi raporo handitswemo ko ibisasu byarashwe kuri iyi ndege ya Habyarimana bitarashwe n\u2019ingabo za FPR zari i Masaka, ku musozi uteyeho agashyamba uri ku bilometero bine uvuye ku kibuga mpuzamahanga cya Kanombe ahubwo byarashwe n\u2019abari mu kigo cya gisirikare cya Kanombe cyari mu maboko y\u2019abasirikare ba Habyarimana.<\/p>\n

{{Gushaka guhirika ubutegetsi}}<\/p>\n

Izi nzobere zagendeye ku bimenyetso no ku buhamya bw\u2019abagabo babiri b\u2019Ababiligi, umwe yahoze ari umuganga undi yari umusirikare wo mu rwego rwa Lieutenant-Colonel mu ngabo z\u2019Abafaransa zirwanira mu mazi, wabaga mu nkambi y\u2019ingabo z\u2019u Rwanda i Kanombe.<\/p>\n

Amakuru batanze yaje ashyigikira ibyatangajwe muri Raporo Mutsinzi yakozwe n\u2019itsinda ryari ryashyizweho n\u2019u Rwanda mu kumenya uwarashe iyi ndege, iyi raporo yemeje ko ibisasu byarashe iyi ndege byavuye mu nkambi ya Kanombe. <\/p>\n

Ikinyamakuru 20minutes.fr kivuga ati: \u201cBiragoye gutekereza ko byakozwe na FPR\u201d.<\/p>\n

Iyi raporo yakozwe yerekana ko Habyarimana yarashwe n\u2019abahezanguni bari mu ngabo z\u2019u Rwanda (FAR) bashakaga kwikiza Perezida Habyarimana, kugira ngo haburizwemo ishyira ku mukono ry\u2019amasezerano y\u2019Arusha no gushyira mu bikorwa umugambi wo kwica Abatutsi.<\/p>\n

Iyi raporo ya Tr\u00e9vidic ivuga ko ubwo Perezida Juv\u00e9nal Habyarimana, yavaga muri Tanzania ku ya 6 Mata 1994, bwari bwije. Bitewe n\u2019uko hari umutekano muke, abamurindaga b\u2019Abafaransa bamusabye ko yareka kuza mu Rwanda ahubwo akazaza bukeye bwaho. Ariko bamwe mu bayobozi muri leta ye bahise bamushyiraho igitutu ko bava muri iyi nama vuba yaberaga i Dar es-Salaam bagataha, aho yagarukanye mu ndege na mugenzi we w\u2019u Burundi, Cyprien Ntaryamira, nawe wari mu nama.<\/p>\n

{{Uko Leta y’u Rwanda ibibona}}<\/p>\n

Ku ruhande rwa leta y\u2019u Rwanda yishimiye ibyavuye muri icyo cyegeranyo, aho minisitiri w\u2019ububanyi n\u2019amahanga Louise Mushikiwabo mu izina rya Guverinoma yatangaje ati \u201c Ibyabaye uyu munsi bishimangira ibitekerezo u Rwanda rumaranye igihe kuri iki kibazo\u2026 Bifashishije ukuri gushingiye ku buhanga, abacamanza Tr\u00e9vidic na Poux bafunze burundu umuryango ku bamaze imyaka 17 bahakana Jenoside no kurenganya abo yakozeho. Kuri ubu noneho biragaragara ko guhanura indege cyari igikorwa cya kudeta cyakozwe n\u2019Abahutu b\u2019abahezanguni n\u2019abajyanama babo bayoboraga ikigo cya Kanombe.\u201d<\/p>\n

Leta y\u2019u Rwanda kandi yafashe icyo cyegeranyo nk\u2019icyaturutse mu iperereza rikozwe neza ryashyizwe mu bikorwa n\u2019abacamanza b\u2019inararibonye bafashijwe n\u2019impuguke zo ku rwego mpuzamahanga. Mushikiwabo ati \u201c Abanyarwanda bakiriye icyo cyegeranyo kigira ibyo cyerekana ku gice kimwe cy\u2019amateka y\u2019igihugu cyacu. Tuzakomeza tudatezuka igikorwa cyo kubaka igihugu dukorera ahazaza.\u201d<\/p>\n

Bamwe mu bitabiriye itangazwa ry’icyegeranyo:<\/p>\n

\"Agatha
Agatha Kanziga wari umugore wa Habyarimana nyuma y'ishyirwa ahagaragara rya raporo nshya<\/figcaption><\/figure>\n
\"Jacques
Jacques Kabale, Ambasaderi w'u Rwanda mu Bufaransa<\/figcaption><\/figure>\n
\"Alain
Alain Gauthier uyobora ihuriro ry'abaharanira ko abaregwa Jenoside baburanishwa (CPCR)<\/figcaption><\/figure>\n
\"Me
Me Bernard Maingain uburanira Abanyarwanda baregwaga na raporo ya Brugui\u00e8re<\/figcaption><\/figure>\n
\"Me
Me L\u00e9on-Lef Forster ukorana na Maingain<\/figcaption><\/figure>\n

{{Amashusho ya Al Jazeera ahamya ko nta ruhare Perezida Kagame yagize mu ihanurwa ry’indege yari itwaye Perezida Habyarimana}}<\/p>\n